| 唉...「分化」唔係我地想既結果 首先,我係堂上提出既問題係: 點解唔由老師去決定? 因為我地絕少人有聽個辯論,既然有一個老師係度,而佢又有評分,點解我地唔相信佢既評分呢? 其次, 我真係想替我組既組員澄清,我地每一個人都無向老師發O渣。只係同MISS講咗一個事實---隔離班係以BEST SPEAKER選人,係MISS認為要同隔離班一致,所以改變方式。希望大家唔好再誤會。 我只係想講,我係堂上提出既問題你地又有幾多人真係有聽晒同埋接收到?如果連聽都無聽晒,只係聽到一部分就當係全部既,難怪誤會會衍生出黎。 我只係想同學知道台上2分鐘既辯論,係花咗同學幾多個晚上而完成。係台上能夠講得流利,能夠說服到別人,唔係一晚半晚既事,而係好多個夜晚。認識我既人都知,我就算係會考時都無捱到1點幾去溫書,我一定會11點前去訓,因為我唔想第二日無精神上堂。但係,因為中化辯論,我捱咗多好晚夜,而且返學前/返到家第一件事唔係沖涼,食飯/做功課,而係搵資料,整理資料。當我因為中化辯論而係每個月都必須要受既痛,但仍決定捱夜時,又有幾多人明白?我咁比心機係因為我係代表7A班,所以我想做到最好。加上，係呢件事上,我大可以唔出聲,因為我根本唔需要出賽。 我今日話忙,係因為我真係好忙,我每日既時間已經俾中化辯論佔咗好多時間，我係一個AL學生,我仲要做功課&溫習。我知道唔係我一個人咁忙,但當我講出我忙既時候又有邊個第一時間諗到我既難處???常言道:「百世修得同船渡」,能夠同一班係百世修來既福氣。如其彼此傷害,怪責,何不彼此愛護,扶持呢? 「何以對於別人的努力,人們總是輕描淡寫。但對於別人的過失,卻慣以無限放大?」 |
